"Fjár" sýsla

Nú líður brátt að sauðburði og þá er bara skemtilegt að rifja þessa nýju skilgreiningu á "fjár" sýslu upp!

 

 

            

Að bera fé = Afklæða kind, (rýja)
Afla fé = Kindur sem stunda veiðiskap.
Áhættufé = Fífldjarfar sauðkindur.
Eigið fé = Kindur sem maður á sjálfur.
Fégirnd = Afbrigðileg kynhneigð (að girnast sauðfé).
Fégræðgi = Að ver einstaklega sólgin í sauðaket.
Féhirðir = Smali.
Félag = Lag sem samið er um sauðfé.
Félagi = Sá sem leggur lag sitt við sauðfé.
Félegur = Eins og sauður.
Féleysi = Þegar skorið hefur verið niður vegna riðuveiki.
Fjárdráttur = Samræði við kind.
Fjárhagur = Einhver sem er afar laginn við sauðfé.
Fjárhirslur = Geymslur fyrir sauðfé.
Fjárlög = Mörg lög sem samin eru um sauðfé.
Fjármagn = Þegar margar ær koma saman.
Fjármál = Tungumál sauðkinda/jarm - tóndæmi.
Fjármálaráðherra = Yfirsmali.
Fjármunir = Lausamunir í eigu sauðkinda.
Fjárnám = Skóli fyrir kindur.
Fjárplógstarfsemi = Jarðyrkja þar sem sauðfé er beitt fyrir plóg
Fjársöfnun = Smalamennska
Fjárútlát = Þegar ærnar eru settar út á vorin
Fjárvarsla = Það að geyma kindur
Fjárveitingar = Þegar boðið er upp á sauðaket í matarboðum
Fjáröflun = Smalamennska.

HP ″Hulda Prakkari″ og WV ″Woða Vitlaus″

Í fórum mínum og fjölskyldu minnar er ótrúlegt safn ljósmynda og gamalla filma (negatives), sem mig langaði til að koma í stafrænt form svo hægt væri að upplifa og njóta gamalla stunda og  minninga á ný, með tækni nútímans. Ég ákvað því að rölta (á bílnum) á milli verslana og leita að skanna. Skanninn sem ég keypti, yrði samt að hafa möguleika á að skanna bæði myndir skjöl og „negativur" (filmur). Ég fann hann.

HP Scanjet, 3770.  Vá, maður, ekkert smá fallegur skanni, rjómahvítur og grár með blá-glæru loki. Bara djásn, og svo gerði hann líka allt sem ég vildi, ...þangað til... &#*$  -tölvan mín hrundi. Sjokk í nokkra daga eða þar til við, bíllinn minn og ég, röltum á ný í aðra verslun og keyptum okkur nýja tölvu ...með Windows Vista. Uhh...

Þetta vildi fallegi rjómahvíti og grái skanninn minn með blá-glæra lokinu ekki sætta sig við. Hann bara neitaði ...alveg. Þegar ég setti diskinn með hugbúnaðinum í, fraus vélin ...með Windows Vista. Uhh... Ég gat ekki einusinni slökkt á henni og varð því að taka hana úr sambandi til að geta síðan endurræst hana. Windows Vista. Uhh... Ok, þá. Ég hafði bara samband við Huldu "HP" sem tjáði mér stutt og laggott að þeir þjónustuðu ekki lengur þennan skanna og rekklar (drivers) fyrir WV yrðu ekki framleiddir. Þessi týpa gengi því aðeins undir XP og Mac OS. Punktur. Hvað getum við lært af þessu jú,

-heimsk pör eignast heimsk afkvæmi.

Grín eða grikkur?

Er einhver að grínast? Þetta er afleggjari heim að tveim sveitabæjum.

Á öðrum er Hyundai Santa-Fe  og á hinum  Subaru Forester.  Hvað er í gangi? Það má alls ekki misskilja þetta. Auðvitað er hið besta mál að þungaflutningar fari ekki um þennan afleggjaraa eins og brugðið hefur við. Mér fannst bara svo skrítið að sjá þetta þarna að ég varð að gera grín að því. Þakka bara þeim sem kom þessu í verk, hefði fyrir löngu átt að vera búinn að gera þetta sjálfur.

Bjór eða kona?

 

20 "Góðar" ástæður hversvegna bjór er betri en kona.

1. Þú getur notið bjórsins allan mánuðinn.

2. Bjórblettur þvæst úr.

3. Bjórinn bíður þolinmóður eftir þér í bílnum meðan þú leikur fótbolta.

4. Ef bjórinn verður flatur, þá hendir maður honum bara.

5. Bjór er aldrei of seinn.

6. Bjór verður ekki afbrýðisamur þótt þú náir í annan.

7. Timburmenn hverfa.

8. Þú getur tekið bjórinn úr umbúðunum án mótbára.

9. Þegar þú ferð á bar getur þú alltaf náð þér í bjór.

10. Bjór er aldrei með hausverk.

11. Þegar þú ert búinn með bjórinn, getur þú selt glerið.

12. Þú getur alltaf deilt bjórnum með vinum þínum.

13. Bjór er alltaf blautur.

14. Þú veist að þú er alltaf sá fyrsti sem opnar bjórinn.

15. Bjór krefst ekki jafnréttis.

16. Þú getur fengið þér bjór á almannafæri.

17. Bjórnum er alveg sama hvenær þú "kemur".

18. Kaldur bjór er góður bjór.

19. Þótt þú skiptir um bjór þarftu ekki að borga meðlag.

20. Þú getur fengið þér fleiri en einn bjór á kvöldi án þess að fá samviskubit.

Góðan bata Óttar!

Í gær (miðvikudaginn 2. apríl) fór Óttar vinur minn í höfuðaðgerðina úti í Osló. Ég man þegar hann var að kvarta yfir þessum höfuðverk, árum saman og þrauta göngunni hérna heima á milli lækna sem aldrei fundu út úr hvað var að. Það var bara hreint út sagt fáránlegt eins og við teljum okkur eiga góða lækna. Svo flytur hann til Noregs og læknar þar finna þetta straks. Það var ekkert smá sem mér brá þegar ég frétti hvað þetta var alvarlegt.

En núna er aðgerðin væntanlega búin og hefur gengið vel. Ég vona að þú lesir þetta fljótlega Óttar og hafir samband við fyrsta tækifæri. Gangi þér vel kallinn minn.